فرمان الہی
نماز کے اوقات
کراچی(صباح نیوز) سینیٹ میں قائد حزب اختلاف شیری رحمان نے کہا ہے کہ اب عوام کی آواز سینیٹ میں گونجے گی‘حادثاتی وزیراعظم کو متفقہ چیئرمین سینیٹ لانے کی بات زیب نہیں دیتی ‘ذمہ دار عہدوں پر ذمہ دارانہ بات کرنی چاہیے‘پی ایس ایل کا جنون پورے ملک میں ہے، کراچی کی رونقیں ایک باہر پھر بحال ہوئی ہیں۔اتوارکو مزار قائد پرحاضری کے بعد میڈیا سے گفتگو کرتے ہوئے شیری رحمان کا کہنا تھا کہ مجھے گائیڈنس بینظیربھٹو کی تھی انہی کی بدولت یہاں تک پہنچی ہوں‘ انہوں نے کہاکہ ہمیںنفرتوں سےدور رہنا ہے، بہت اچھا ہوا نون لیگ کو پارلیمنٹ کی حرمت کا خیال آیا۔اسلام آباد میرا دوسرا گھر پشاور زلمی بھی ہماری ہے، ہم کرکٹ کو سپورٹ کررہے ہیں اورکرکٹ سے کراچی میں ایک باہر پھر رونقیں بحال ہوئی ہیں‘ان کا کہناتھاکہ یہ الیکشن کا سال ہے ‘تمام جماعتیں اپنا منشورلیکرآئیں گی‘ پیپلز پارٹی جمہوریت کا علم بلند رکھی گی‘شیری رحمان نے کہا کہ ہم پاکستان کو مشکل وقت سے نکالنا چاہتے ہیں، بلوچستان سمیت چھوٹے صوبوں کے مسائل حل کرنے ہیں‘شیخ رشیدسے متعلق سوال پر شیری رحمان نے کہا کہ شیخ رشید جوچاہیں بولیں ان کو آئینی وجمہوری حق حاصل ہے۔ملک میں پی ایس ایل کے کامیاب انعقاد اور اس میں بھرپور شرکت پر پوری قوم کو مبارک باد پیش کرتی ہوں۔
