فرمان الہی
نماز کے اوقات
چیئرمین پاکستان تحریک انصاف عمران خان نے کہا ہے کہ پی ٹی آئی پاکستان کی واحد نظریاتی پارٹی ہے ، نواز شریف اور مشرف مجھے سیٹیں دینے کی پیشکش کر چکے ہیں، آصف زرداری یا نوازشریف جیسے کرپٹ رہنماؤں سے الحاق نہیں ہو سکتا۔
پی ٹی آئی سربراہ نے لاہورمیں پریس کانفرنس کے دوران کہا کہ پہلے ہی کہہ دیا تھاکہ سینیٹ الیکشن میں پیسا چلتاہے، اب الیکشن ہار کر وہ بھی یہی بات کرر ہے ہیں، 29 اپریل کو جواب دوں گا کہ ان کو کیوں نکالا۔
عمران خان کا کہناتھاکہ پنجاب کا 55 فیصد بجٹ لاہور پر خرچ کیا گیا جبکہ لاہور اور آدھا بجٹ سڑکوں پر خرچ کیا جارہا ہے۔
لاہور پر خرچ کی جانیوالی رقم کے پی بجٹ سے 3 گنا زیادہ ہے۔
چیئرمین پاکستان تحریک انصاف نے کہا کہ شہبازشریف نے ایک سال میں 635 ارب روپے خرچ کیا، 4 ارب کا اسپتال تک نہ بنایا تاکہ لوگ یہیں علاج کراسکیں۔
ان کا کہنا تھا کہ ملتان میں میٹرو کی ضرورت ہی نہیں تھی ، وہاں میٹرو پر 60 ارب روپے لگائے گئے لیکن بسیں خالی چل رہی ہیں، نیب اس معاملے کو بھی دیکھے۔
عمران خان کا کہناتھاکہ رائیونڈ میں پیرس بن رہاہے،عوام کا زیادہ پیسہ رائیونڈ کے ارد گرد خرچ کیا جا رہا ہے۔
