آپ آف لائن ہیں
جمعہ10؍شعبان المعظم 1439ھ 27؍اپریل2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
x
غزل: خالد معین

غزل: خالد معین

دیے جلا کے بجھانے کا مشورہ مت دے

ہمیں! اندھیرے بڑھانے کا مشورہ مت دے

x
Advertisement

پھر اس کے بعد پلٹنا محال ہوجائے

اب اتنا دور بھی جانے کا مشورہ مت دے

یہ اُس کی ہار فقط اُس کی ہار ہی تو نہیں

سو ہم کو جشن منانے کا مشورہ مت دے

تعلقات میں رنجش سی آگئی ہے تو کیا

کسی سے ہاتھ چھڑانے کا مشورہ مت دے

زباں نہ بولی تو دیواریں بول اٹھیں گی

مٹے ہوئوں کو مٹانے کا مشورہ مت دے

یہ دورخی سی، جو دنیا ہے، وہ کسی کی نہیں

اسے گلے سے لگانے کا مشورہ مت دے

نئے زمینی حقائق بھلے سے کچھ ہوں، مگر

ہمیں! ہمی سے لڑانے کا مشورہ مت دے

​​
Chatاپنی رائے سے آگاہ کریں