آپ آف لائن ہیں
جنگ ای پیپر
پیر2؍ربیع الثانی 1440ھ 10؍دسمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نئی آوازیں: طاہر عباس

نئی آوازیں: طاہر عباس

جب تم سے ملاقات کی صورت نہیں ہوتی

جینے کی مجھے کوئی ضرورت نہیں ہوتی

پتھر کی طرح ہے، وہ کسی راہ گزر میں

جس دل میں مری جان، محبت نہیں ہوتی

دن میرا گزرتا ہے، تری راہ کوتکتے

راتوں کو تری یاد سے، فرصت نہیں ہوتی

وہ گھر ، کسی ویران جزیرے کی طرح ہے

بچوں کی جہاں کوئی شرارت نہیں ہوتی

وہ شہرِ ہنر میں، کبھی زندہ نہیں رہتا

جس کے بھی خیالات میں، جدّت نہیں ہوتی

اے دوست! عبارت کے تقاضے ہیں بہت کچھ

سجدوں ہی سے تکمیلِ عبادت نہیں ہوتی

حیرت کدۂ نورِ ازل میں ہوں میں طاہر

اب مجھ کو کسی بات پہ حیرت نہیں ہوتی

Chatاپنی رائے سے آگاہ کریں