لاڑکانہ میں نوجوان گلوکارہ کا قتل، معاشرہ انتہائی عدم برداشت کاشکار

آج کا اخبار

ملک بھر سے

13 اپریل ، 2018

کراچی(جنگ نیوز)جیو پاکستان کا آغاز کرتے ہوئے ہما امیر شاہ نے کہا کہ سندھ کے شہر لاڑکانہ میں ایک گلو کارہ کو گولیاں مارکر ہلاک کردیا گیا ہے عدم برداشت ایک بیماری ہے جس کے باعث یہ واقعہ پیش آیا اور ہم بحیثیت معاشرہ اس کا شکار ہیں ۔ایم کیو ایم کی اندرونی لڑائی جاری ہے، پی ایس پی اس لڑائی سے فائدہ اٹھا رہی ہے اس پر گفتگو کرتے ہوئے بیورو چیف جیو نیوز کراچی فہیم صدیقی نے کہا کہ اصل لڑائی ان میں یہ ہے کہ انا کا مسئلہ ہے اور میں نے پہلے بھی کہا تھا کہ اگر یہ دونوں گروپ ایک ہوبھی جاتے ہیں تو انہیں سینیٹ کے الیکشن میں کچھ نہیں ملے گا اسی طرح میں کہتا ہوں کہ اگر یہ ایک ہوبھی جاتے ہیں تو انہیں 2018کے الیکشن میں بھی کچھ نہیں ملے گا کراچی میں پی ایس پی اور پی ٹی آئی کے کامیابی کے امکانات ہیں اور ایم کیو ایم کو کچھ ملتا نظرنہیں آرہاہے اور ایم کیو ایم کے دونوں گروپس اس صورتحال سے بخوبی آگاہ ہیں ماضی میں ایم کیو ایم میں ووٹ صرف ایک نام پر پڑتا تھا اس لیے ارکان اسمبلی کی نہ پہلے ایم کیو ایم میں اہمیت تھی اور نہ ہے اس لیے ان کے پی ایس پی میں جانے سے کوئی فرق نہیں پڑتا ۔ماہرین صحت کا کہنا ہے کہ 30سال کے بعد غذا سے 15فیصد کیلوریز کم کرنے سے آپ عمر چور ہوجائیں گے، کیلوریز کم کرنے سے میٹا بولزم سسٹم اچھی کارکردگی دکھاتا ہے ۔بھارت پاکستانی فوج کا صبراور کشمیریوں کا حوصلہ آزما رہا ہے اس حوالے سے ایک رپورٹ بھی جیو مارننگ شو میں دکھائی گئی ممتاز تجزیہ کارلیفٹننٹ جنرل(ر) امجد شعیب نے اس موضوع پر بات کرتے ہوئے کہا کہ کشمیر میں حالات بہت مخدوش ہیں اور اقواعالم کو اس پر نظر ڈالنی چاہئے ہم نے اس معاملے کو اقوام متحدہ کے انسانی حقوق کمیشن میں بھی اٹھایا ہے بھارت حقیقت سے نظریں چرارہا ہے اورکشمیری نوجوانوں کی لاشیں بھی پاکستانی پرچم میں لپیٹ کر دفن کی جارہی ہیں اور جب یہ جذبہ پیدا ہوجائے کہ بچے بچے کی زبان پر آزادی کے نعرے ہوں تاریخ گواہ ہے کہ اس کو گولیوں سے نہیں دبایا جاسکتا،عالمی برادری کو اس پر آواز اٹھانی چاہئے اور بھارت کو جارحیت سے باز رکھنا چاہئے۔ اقوام عالم کی سیاست مفادات پر مبنی ہوتی ہے اور اس میں منافقت بھی ہوتی ہے اس میں اصولوں اور اخلاقیات کا عمل دخل نہیں ہوتا اور اخلاقیات کا درس صرف چھوٹی قوموں کو بتانے کے لیے ہوتا ہے امریکا کو دیکھیں وہ بدمعاشی پر اترا ہوا ہے اور جو چاہتا ہے وہ کرلیتا ہے ہمیں اپنی کوشش کرتے رہنا چاہئے اور عالمی ضمیر کو جگاتے رہنا چاہئے ہم کشمیریوں کی آواز ہیں ہمیں ان کی آواز کو دنیا بھر میں پھیلانا چاہئے۔ ہمیں مغربی عوام تک کشمیریوں کی آواز کو پہنچانا چاہئے۔ یورپ میں پاکستانی معاشی اور معاشرتی مسائل کا شکار ہیں اس بارے میں رپورٹ بھی جیو پاکستان میں شامل تھی اور اس پر بات کرتے ہوئے شفقت رضا صحافی اور مصنف نے اس موضوع پر بات کرتے ہوئے کہا کہ ویسٹ یورپ میں پاکستانیوں کو بڑی مشکلات کا سامنا ہے یہ پہلا پروگرام ہے آپ کے چینل پر جس میں ہمارے مسائل پر آواز اٹھائی گئی ہے ہم اوور سیز پاکستانی کروڑوں ڈالرز یہاں بھیجتے ہیں زرمبادلہ کی صورت میں جس سے قومی خزانہ سیراب ہوتا ہے ہمیں معیشت میں ریڑھ کی ہڈی قرار دیا گیا ہے لیکن ہمارے مسائل کو حل کرنے کی کوشش کسی نے نہیں کی ہمیں اوور سیز منسٹر کا بھی نہیں پتہ اسپین میں پاکستانی کمیونٹی نے مساجد تعمیر کرائیں ہم نے بڑی مثبت اقدامات کیے ہیں اسپین میں ایک لاکھ تیس ہزار پاکستانی مقیم ہیں آپ تین ماہ میں تین ہزار یورو سے زیادہ اپنے گھر نہیں بھیج سکتے کوئی لیگل چینل نہیں ہے پاکستانی بینک وہاں پر نہیں ہے جس کے ذریعے ہم اپنے پیسے بھیج سکیں اگر ہم غیر قانونی طریقے سے پیسے بھیجتے ہیں تو پیسے بھی ضبط ہوتے ہیں اور سات سے آٹھ سال کی سزا بھی ہوتی ہے ۔

تازہ ترین