• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیہون ،زائرین کی ویگن میں گیس سلنڈر پھٹنے سے3 جاں بحق،14 زخمی

آج کا اخبار
ملک بھر سے
20 اپریل ، 2018
پیرجوگوٹھ+خیرپور ( نامہ نگار،بیورورپورٹ) وڈا مہیسر کے قریب درگاہ سیوہن شریف جانے والی ویگن میں گیس سیلنڈر پھٹنے سےخاتون اور2 بچے جل کر جاں بحق،14 سے زائد افراد زخمی ہو گئے، پولیس نے پرائیویٹ گاڑیوں کی مدد سے حادثے کا شکار افراد کے گمبٹ اور خیرپور کی اسپتالوں میں پہنچایا،چار زخمیوں کی حالت تشویشناک بتائی جا رہی ہے۔تفصیلات کی مطابق تھانہ مہیسر وڈا کی حدود گاؤں خدا بخش میتلو کے رہائش پذیر متلا برادری کے افراد درگاہ سیوہن شریف زیارت کیلئے ویگن میں جا رہے تھے تو گاؤں لال بخش کاندہڑو کے قریب لنک روڈ پر گیس سلنڈر دھماکے سے پھٹ گیا جس کی وجہ سے نعمت خاتوں زوجہ عبدالستار میتلو، ساجدہ بنت نصیر احمد اور ماجد علی ولد منور علی میتلو جل کر جاں بحق ہوگئے ، جبکہ حادثہ میں 14سے زائد افراد زخمی ہوئے ہیں جن میں جمشید ، مریم، سبحانہ، آصف علی، مومل، وزیر علی، کائنات، فرحان، کاشف ، پرھہ میتلو و دیگر شامل ہیں جنہیں وڈا مہیسر تھانے کے ایس ایچ او لالہ امیر پٹھان نے پرائیویٹ گاڑیوں کی مدد سے گمبٹ اور خیرپور کی اسپتالوں میں پہنچایا ہے، جن میں سےچار زخمیوں کی حالت تشویشناک بتائی جا رہی ہے۔
تازہ ترین