لگتا ہے ہر پاکستانی ڈرائیور امریکہ سے تربیت لے کر آیا ہے،احسن اقبال موٹروے پولیس تقریب کی جھلکیاں

میرا شہر

اسلام آباد

20 اپریل ، 2018

اسلام آباد ( خصوصی نامہ نگار) پاکستان میں دائیں ہاتھ گاڑی چلانا ضد کی شکل اختیار کر تا جارہا ہے اور یوں محسوس ہوتا ہے کہ ہر پاکستانی ڈرائیور امریکہ سے تربیت لے کر آیا ہے ۔ موٹر وے پولیس کے زیر اہتمام تقریب سے خطاب کے دوران وزیر داخلہ احسن اقبال نے رویوں کو درست سمت میں متعین کرنے کی ضرورت پر زور دیا ۔ انہوں نے کہا کہ یوں لگتا ہے کہ پاکستان میں ہر ڈرائیور کی تربیت امریکہ میں ہوئی ہے کیونکہ ہر کوئی انتہائی دائیں لین میں گاڑی چلاتا ہے اور اسے چھوڑنے پر تیار نہیں ہوتا۔ اگر کسی گاڑی سے راستہ مانگنے کے لئے ہارن دیا جائے تو تب بھی وہ راستہ نہیں دیتا اور مجبوراً اگر بائیں طرف سے گاڑی کو کراس کیا جائے تو راستہ نہ دینے والا ڈرائیور نہ صرف گھور کر دیکھتا ہے بلکہ اکثر تو تکرار بھی ہو جاتی ہے ۔ وزیر داخلہ کے اس تبصرے پر تقریب کے شرکاء محظوظ ہوئے بغیر نہ رہ سکے۔

تازہ ترین