• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سوشل میڈیا پر محبت،چینی نوجوان سرگودھا کی لڑکی بیاہ کر لے گیا

آج کا اخبار
اہم خبریں
23 اپریل ، 2018
سرگودھا(ملک محمد اصغر) کیتھولک چرچ چک 47 شمالی میں پاک چین دوستی کی ایک اور لازوال مثا ل قائم کر دی گئی، چین کا رہائشی 26 سالہ نوجوان بدھیو دلہنیا بیا ہنے چین سے سرگودھا پہنچا جہاں 21سالہ شمع کے ساتھ شادی مذہبی طورطریقے سے انجام پائی ۔دولہا کو مالا پہنائی گئی، سٹیج پر بٹھا کرمبارکبادیں دی گئیں،شادی کی رسموں کے دوران دولہا خاصی گھبراہٹ محسو س کر تا رہا ، سالیاں جب دودھ پلائی کی رسم ادا کرنے آئیں تو دولہا میاں تما م دودھ پی گئے اس دوران سلامی میں پہلے چائنا کی کرنسی دی گئی دلہن کی بہنوں کے انکار پر انہیں پاکستانی کرنسی دے دی گئی ۔دلہن کی سہیلیوں کی طر ف سے راستہ رکوائی کی رسم جب ادا کی گئی تو غیر ملکی دولہا کافی کنفیوز ہو گیا ۔مہمانوں کی خاطر تواضع ون ڈش کھانے سے کی گئی جب کہ شادی کی تقریب میں دولہا کی بہن اور بہن کی سہیلی نے بھی شرکت کی۔ذرائع کے مطابق دونوں کی دوستی سوشل میڈیا کے ذریعے شروع ہوئی تھی،شادی کی تقریب میں دولہا کے لئے اس کا پسند کا چائینز کھانا تیار کیا گیا اور آخر میں دولہا اپنی دلہن کو بیا ہ کر لے گیا۔
تازہ ترین