• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چوہدری نثار کو بطور ن لیگ ٹکٹ دوںگا، کوئی خلائی مخلوق ہے نہ جھوٹے الزامات لگانا چاہئیں، شہبا زشریف

آج کا اخبار
اہم خبریں
11 مئی ، 2018
لاہور( نمائندہ جنگ،آئی این پی )صدر مسلم لیگ ن و وزیر اعلیٰ پنجاب شہباز شریف نے کہا ہے کہ چوہدری نثار کوبطورن لیگ پارٹی ٹکٹ دونگا،خلائی مخلوق کا ہمارے ذہن میں کوئی تصور نہیں ، جھوٹے الزامات لگانا چاہئیں،نیب کو چاہیے کہ وہ قانون اور میرٹ پر کام کرکے اپنا فرض ادا کرے،ن لیگ کارکردگی کے بل بوتے پر اگلا الیکشن اکثریت سے جیتے گی،زرداری اور عمران خان کی لوٹ مار،جھوٹ اور دھوکے بازی کی سیاست نے اخلاقیات کا جنازہ نکال دیا ہے،ہماری حکومت نے جنوبی پنجاب کو 42 فیصد سے زائد ترقیاتی فنڈز دینے کا اعزاز حاصل کیاہے،پنجاب کے تمام ہسپتالوں میں جدید ترین پتھالوجی لیبارٹریاں اور دنیا کی جدید ترین مشینیں فراہم کر کے ن لیگی حکومت نے صحت کے شعبہ میں انقلاب لانے کا اپناوعدہ پورا کر دیا ہے۔ انہوں نے ان خیالات کااظہار جہلم میں پتھالوجی لیب،نئے آؤٹ ڈور بلاک اور ہپیاٹائٹس فلٹر کلینک کا افتتاح کرنے کے موقع پر اور پنجاب ہائوس اسلام آباد میں وفاقی وزراء اور ارکان قومی اسمبلی سے دوران ملاقات گفتگو کرتے ہوئے کیا۔شہباز شریف نے ڈی ایچ کیوہسپتال جہلم میں تمام وارڈز کا معائنہ بھی کیا اور مریضوں سے ہسپتال کی طرف سے فراہم کی گئی سہولیات کے ضمن میں دریافت کیا۔شہباز شریف نے اس دورہ کے موقع پر میڈیا سےگفتگو کرتے ہوئےکہا کہ چار سالوں میں صوبہ کے ہسپتالوں میں کرپشن کا کلچر ختم کردیا ہے۔اگر اللہ تعالی نے ہمیں موقع دیا تو2018ء کے الیکشن کے فورا بعد جہلم میں نئے ہسپتال کا سنگ بنیاد رکھیں گے اور پنجاب سپیڈ کے ساتھ ایک سال میں اس ہسپتال کو مکمل کروائیں گے-
تازہ ترین