• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برسر اقتدار آکر اخبار فروش یونین کیلئے رہائشی کالونی دینگے، پیپلز پارٹی ملتان

میرا شہر
ملتان
16 مئی ، 2018
ملتان (پ ر) پیپلز پارٹی جنوبی پنجاب کے سیکرٹری تعلقات عامہ بابو نفیس احمد انصاری کی جانب سے اخبار فروش یونین ملتان کے عہدیداروں کے اعزاز میں استقبالیہ دیا گیا۔ تقریب میں پیپلز پارٹی کے رہنمائوں خواجہ رضوان عالم، ملک نسیم لابر، چوہدری یٰسین ، خواجہ عمران اور اخبار فروش یونین کے صدر ملک عرفان اتیرا، جنرل سیکرٹری ملک احمد مختار، سرپرست اعلیٰ شیخ صلاح الدین، ممبر فیڈریشن ملک بلال، حاجی شہزاد، ملک نواز، رشید غوری، ایکشن بورڈ کے چیئرمین ملک اجمل سمیت عمرا ن یوسف، یاسرنفیس انصاری، عمران پرویز اور ایوب انصاری نےشرکت کی۔ اس موقع پر خطاب کرتے ہوئے رضوان عالم، بابونفیس انصاری اور نسیم لابر نے کہا کہ پیپلز پارٹی مزدوروں کی جماعت ہے، ہماری کاوشوں سے اخبارفروشوں کیلئے اخبار مارکیٹ دی، اگر عوام نے آئندہ پیپلز پارٹی کو موقع دیا تو اخبار فروش بھائیوں کو رہائشی کالونی بھی دینگے۔اخبار فروش یونین کے صدر ملک عرفان اتیرا، جنرل سیکرٹری احمد مختار سر پرست اعلیٰ شیخ صلاح الدین نے خطاب کرتے ہوئے کہا کہ ہم احسان فراموش نہیں ہیں۔پیپلز پارٹی کے عہدیدارو ں کی کوششوں اور سابق وزیراعظم سید یوسف رضا گیلانی نے خصوصی محبت کرتے ہوئے ہمیں اخبار مارکیٹ کا تحفہ دیا۔ جس پر ہم آپ کے شکر گزار ہیں۔
تازہ ترین