افغانستان میں چلتی پھرتی بس لائبریری

چلتے پھرتے تھیٹرز،سرکس اورمیوزیمز کے بارے میں تو ہر کسی نے سنا ہوگا لیکن آج ہم آپکو بتاتے ہیں افغانستان میں متعارف کروائی گئی چلتی پھرتی لائبریری کے بارے میں۔

جی ہاں بچوں میں تعلیم عام کرنے اورکتب بینی کا شعور بیدار کرنے کے لئے کابل میں ایک ایسی بس متعارف کروائی گئی ہے جس میں بچوں کی پسندیدہ کتابیں رکھی گئی ہیں ۔

اس بس میں کرسیوں اور میزکا بھی انتظام کیا گیا ہے جہاں بیٹھ کر بچے کتب بینی کرتے ہیں۔

اس بس کو متعارف کروانے والی خاتون Freshta Karimکے مطابق اس لائبریری بس سے تین سو بچے مستفید ہو رہے ہیں جو روزانہ اس بس میں آکر کتابیں پڑھتے اور علم حاصل کرتے ہیں۔

واضح رہے کہ افغانستان میں اس وقت شرح خواندگی 36فیصد ہے ۔