فرمان الہی
نماز کے اوقات
اسلام آباد(نمائندہ جنگ)سابق چیئرمین سینیٹ رضا ربانی نے کہا ہےکہ بروقت انتخابات کے انعقاد کی کشتی ابھی بھی ہچکولے کھا رہی ہے اور بروقت انتخابات کے انعقاد پر تحفظات تاحال برقرار ہیں۔سپریم کورٹ کافیصلہ خوش آئند،الیکشن وقت پرنہ ہونے سے سیاسی وآئینی بحران پیداہوگا‘انتخابات کے التوا کا وفاق پر منفی اثر پڑے گا۔رضا ربانی نے میڈیا سے گفتگو میں کہا کہ لاہور ہائیکورٹ کے فیصلے کو کالعدم قرار دینے کا سپریم کورٹ کا فیصلہ خوش آئند ہے،چیف جسٹس کی جانب سے بروقت الیکشن کی یقین دہانی بھی خوش آئند ہے۔ لیکن بروقت انتخابات کے انعقاد کی کشتی ابھی بھی ہچکولے کھا رہی ہے۔ رضا ربانی نے کہا کہ گزشتہ دنوں رونما ہونے والے واقعات میں سے ہائیکورٹ کا فیصلہ ایک واقعہ ہے، آئین کے تحت بروقت الیکشن کا انعقاد لازم ہے، الیکشن کے وقت پر نہ ہونے سے آئینی اور سیاسی بحران پیدا ہوگا،انتخابات کے التوا کا وفاق پر منفی اثر پڑے گا۔
