آپ آف لائن ہیں
جنگ ای پیپر
جمعرات6؍ ربیع الاوّل 1440ھ 15؍نومبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نعت: اُتری جو پسِ پردۂ الہام، حقیقت

ماجد خلیل

اُتری جو پسِ پردۂ الہام، حقیقت

رکھتا ہے وہی مذہبِ اسلام، حقیقت

دیتی ہے سبق ،زندگی ِہادیِ برحق

ہوتی نہیں ہر گز کبھی ناکام ،حقیقت

جب صبر کا اور شکر کا سرمایہ ہو موجود

پھر کیا ہے ترِی گردشِ ایام، حقیقت

ہے حکم کہ بے دینی کے سورج کو نہ پوجو

کھل جاتی ہے ،سورج کی سرِ شام حقیقت

ہر دیدہ ٔکم ظرف کو، آئینۂ حق میں

آتی ہے نظر ،صورتِ ابہام حقیقت

توفیق ِالٰہی کے بھی ہوتے ہیں، مدارج

صدیقؓ نے اپنائی، بہ آرام حقیقت

آسان بناتی ہے یہ عقبیٰ کے مراحل

دنیا نہیں ماجد ،کوئی بے نام حقیقت

O۔۔۔O۔۔۔O

Chatاپنی رائے سے آگاہ کریں