گوجرانوالہ(نمائندہ جنگ،مانیٹر نگ سیل) گوجرانوالہ میں دنگل سے پہلے پہلوانوں نے صحافیوں پر داؤ پیچ آزما ڈالے۔جشن بہاراں میں دنگل کی کوریج نہ کرنے پر پہلوانوں نے صحافیوں کو تشددکانشانہ بنا ڈالا، جس سے دو صحافی زخمی ہو گئے۔بتایاگیا ہے کہ پہلوانوں اور ضلعی انتظامیہ کی طرف سے جنا ح سٹیڈیم میں جشن بہا راں کے حوالے سے گزشتہ روز ہو نے والے دنگل کیلئے ریلی کا اہتمام کیاگیا تھا، اسٹیڈیم میں ڈی سی او عا مر جان اور سی پی او وقاص نذیرکی آمدپر موجود صحا فتی تنظیموں نے ڈی سی او کی جا نب سے میڈیا کی ڈسٹر کٹ ہسپتال میں کو ریج پر اپنا احتجاج ریکارڈ کروایا ، اس دوران ضلعی انتظامیہ اور پولیس کے اعلیٰ افسران کی موجودگی میں پہلوانوں نے صحافیوں کے پر امن احتجاج پر ہلہ بول دیا اور صحافیوں کو مکوں ، تھپڑوں اور آہنی گرزوں سے تشدد کا نشانہ بنایا جس سے دو صحافی زخمی ہو گئے ، جبکہ پو لیس صحا فیوں کو تشدد کا نشا نہ بنا نے والے پہلوانوں کو رو کنے کی بجا ئے صحا فیوں کو ہی پیچھے دھکیلتی رہی ،آئندہ کا لائحہ عمل طے کرنے کےلئے صحا فتی تنظیموں کی جا نب سے پر یس کلب میں ہنگا می اجلا س طلب کیا گیا ۔
فرمان الہی
نماز کے اوقات
