• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹھٹھہ ،پانی کے بحران کے خلاف کاشتکاروں کا احتجاجی مظاہرہ

آج کا اخبار
سندھ بھر سے
24 جون ، 2018
ٹھٹھہ(نامہ نگار) جام برانچ سے جاری ہونے والی ہالکی مائنر، سمکی، تارکی، ناری چھچھ، نئیں واہ سمیت دیگر ذیلی شاخوں میں گذشتہ کئی ماہ سے پانی کی عدم فراہمی کے خلاف کاشتکاروں نے گل محمد میمن، ابراہیم، گلشیر، آصف شاہ، حاجی امام بخش، گل حسن ودیگر کی قیادت میں گجو میں احتجاجی مظاہرہ کیا، مظاہرین نے ہاتھوں میں بینر اور پلے کارڈ اٹھائے ہوئے تھے جن پر نعرے درج تھے۔ اس موقع پر مظاہرین نے کہا کہ گذشتہ کئی ماہ سے مذکورہ ذیلی شاخوں میں پانی کی عدم فراہمی کے باعث ہزاروں ایکڑ اراضی پر مشتمل ان کی فصلیں تباہ ہوگئی ہیں جس کے باعث کاشتکاروں کو شدید مالی نقصان ہوا ہے جبکہ حال ہی میں کاشت کی گئی ان کی چاول کی فصلیں بھی سوکھ رہی ہیں۔ انہوں نے کہا کہ پانی کی مسلسل بندش کے باعث نہروں میں ریت اڑ رہی ہے اور لوگ پانی کی بوند بوند کو ترس رہے ہیں۔ انہوں نے مطالبہ کیا کہ جام واہ کے ذیلی شاخوں میں پانی کی فراہمی یقینی بناتے ہوئے پانی کا بحران ختم کرکے کاشتکاروں کو مزید نقصان سے بچایا جایا۔
تازہ ترین