فرمان الہی
نماز کے اوقات
لاہور (جنگ نیوز) مسلم لیگ ن کے صدر شہباز شریف کے صاحبزادے حمزہ شہباز کو لاہور ایئرپورٹ پر پارٹی کے قائد نوازشریف کے استقبال کی تیاریوں کا نگراں مقرر کردیا گیا ہے اور انتخابی امیدواروں کو لاہور ایئرپورٹ پہنچنے کی ہدایت کی گئی ہے جبکہ نواز شریف، مریم نواز اور کیپٹن (ر) محمد صفدر کو نیب عدالت کی طرف سے سزا کے فیصلے کے خلاف کارکنوں نے احتجاج جاری رکھا ، بازوئوں پر سیاہ پٹیاں باندھیں۔لاہور کے حلقہ این اے 133 میں کارنر میٹنگ سے خطاب کرتے ہوئے حمزہ شہباز نے کہا ہے کہ 25 جولائی کو عوام کی عدالت لگے گی اور عوام یہ فیصلہ سنائیں گے جو مرضی کر لو نواز شریف کو دلوں سے نہیں نکالا جاسکتا۔اگر دنیا میں جھوٹ بولنے کا ورلڈ کپ ہو تو عمران نیازی وہ ورلڈ کپ ضرور جیتے گا۔ انہوں نے مزید کہا کہ جو فیصلہ آیا ہے وہ نواز شریف کے ساتھ ناانصافیوں کا تسلسل ہے۔
