افغانستان کے شہر جلال آباد میں سرکاری عمارت پر مسلح افراد کے حملے میں 10افراد ہلاک اور 10زخمی ہوگئے ہیں۔
میڈیا رپورٹس کے مطابق حملہ آوروں نے جلال آباد کے علاقے پولیس ڈسٹرکٹ 3 میں محکمہ تعلیم کی عمارت پر دھاوا بول دیا ۔
رپورٹس کے مطابق عمارت کے نزدیک 2دھماکے بھی سنے گئے ،سیکورٹی فورسز اور حملہ آوروں کے درمیان مقابلہ کئی گھنٹے جاری رہا۔
افغان حکام نے تصدیق کی ہے کہ اب جھڑپیں ختم ہوگئی ہیں،کسی دہشت گرد گروپ نے حملے کی ذمہ داری ابھی قبول نہیں کی ہے ۔
جلال آباد میں2 ہفتوں کے دوران ہونے والا یہ تیسرا بڑا حملہ ہے ۔