آپ آف لائن ہیں
جنگ ای پیپر
پیر 12؍صفر المظفّر 1440ھ 22؍اکتوبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نوازاور مریم کی گرفتاری میں جو مدد درکار ہوگی، کریں گے

نگران وزیر داخلہ شوکت جاوید نے کہا ہے کہ نوازشریف اور مریم نواز کی گرفتاری کی بنیادی ذمہ داری نیب کی ہے ، اس حوالے جو مدد درکار ہوگی وہ صوبائی حکومت دے گی۔

لاہور میں پریس کانفرنس کرتےہوئے نگراں وزیر داخلہ شوکت جاوید نے کہا کہ نگراں حکومت غیر جانبدار ہے، اس کا کسی جماعت سے تعلق نہیں۔ نوازشریف اور مریم نواز کی گرفتاری کی بنیادی ذمہ داری نیب کی ہے اور نیب وفاقی ادارہ ہے جو گرفتاری کا عمل سرانجام دے گا، اس حوالے جو مدد درکار ہوگی وہ صوبائی حکومت دے گی۔

انہوں نےکہاکہ مسلم لیگ (ن) کی لیڈر شپ کے ساتھ انتظامیہ رابطے میں ہے، کنٹینرز اس وقت لگائے جائیں گے جب املاک کو نقصان پہنچایا جائے گا، ریلی کے شرکاء قانون ہاتھ میں لینے کی کوشش نہ کریں، غیر معمولی صورتحال سے ملک دشمن عناصر فائدہ اٹھاسکتے ہیں۔

نگران وزیر داخلہ کا کہنا تھاکہ شہر کےتمام راستے کھول دیئے گئے ہیں اور فون سروس سیکیورٹی کے پیش نظر بند کی گئی ہے جب کہ نقص امن کے تحت کچھ لوگوں کو نظر بند کیا ہے جن میں کوئی امیدوار اور بڑا لیڈر شامل نہیں۔

انہوں نے کہا کہ لاہور ائیرپورٹ وفاقی اداروں کے کنٹرول میں ہے، عبداللہ گل انٹر چینج ریڈ لائن ہے اسے کسی کو عبور نہیں کرنے دیں گے، جو بھی شخص حد کراس کرے گا اس سے سختی سے نمٹا جائے گا۔

Chatاپنی رائے سے آگاہ کریں