• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوازشریف کو لندن سے بلا کر پیٹھ میں چھرا گھونپا گیا، اعتزاز احسن

آج کا اخبار
اہم خبریں
15 جولائی ، 2018
اسلام آباد(نیوز ایجنسیاں ) پیپلز پارٹی کے رہنما اعتزاز احسن نے کہا ہے کہ شہباز شریف اور لیگی قیادت نے نواز شریف کو دھوکا دیا، نوازشریف کو لندن سے بلا کر پیٹھ میں چھرا گھونپا گیا، لوہے کے چنے چبانے والے سعد رفیق اور شاہد خاقان ایئر پورٹ پہنچ ہی نہ سکے،سب لیڈر پنجاب پولیس کی معمولی رکاوٹ کے باعث ایئر پورٹ تک پہنچے ہی نہیں۔ اسلام آباد میں میڈیا سے گفتگو کرتے ہوئے اعتزاز احسن نے نواز شریف اور مریم کی واپسی پر ناکام شو کو اپنوں کی سازش قرار دے دیا۔ اعتزاز احسن نے کہا کہ شہباز شریف اور لیگی قیادت نے نواز شریف، مریم نواز کو دھوکہ دے دیا، کل کے واقعات حیرت انگیز تھے جن کی توقع نہیں تھی، کس طرح سابق وزیراعظم شاہد خاقان عباسی، شہباز شریف، سعد رفیق ایئر پورٹ پر پہنچ ہی نہ سکے۔
تازہ ترین