نقیب اللہ قتل کیس میں مقتول کے والد اور وکلاء نے انسداد دہشت گردی عدالت پر عدم اعتماد کا اظہار کرتے ہوئے عدالتی کارروائی کا بائیکاٹ کر دیا۔
رائو انوار کے خلاف نقیب اللہ قتل کیس میں رائو انوار کے لئے نئی مشکل اس وقت کھڑی ہوئی جب مدعی مقدمہ نے عدالت پر عدم اعتماد کا اظہار کرتے ہوئے کيس دوسری عدالت منتقل کرنے کی درخواست دائر کردی۔
مدعی مقدمہ کے وکيل صلاح الدين پنہور نے درخواست جمع کرائی، جس ميں موقف اختيار کيا کہ مدعی مقدمہ کو اس عدالت پر اعتماد نہیں ہے اورعدالتی کارروائی سے واک آئوٹ کر رہے ہیں۔
عدالت نے درخواست پر کوئی فیصلہ کئے بغير دوسرے کيس میں رائو انوار کی ضمانت پر کارروائی روک دی، جبکہ دیگر 5 شريک ملزمان کی ضمانت کی درخواستوں پر وکلا نے دلائل دئیے عدالت نے مزید سماعت کل تک کیلئے ملتوی کردی۔
سماعت کے بعد رائو انوارنے مدعی کے اعتراضات کو بے بنیاد قرار ديا اور دعویٰ کیا کہ کسی ملزم خلاف ثبوت نہیں ہے۔
مدعی مقدمہ اور وکلاء نے پراسکيوٹر کی قابليت اور تفتیشی افسر کی کارکردگی پر بھی عدم اعتماد کا اظہار کيا اور کہا کہ انہوں نے بھی کيس کو مزيد خراب کيا ہے.