’الیکشن کمیشن عمران ، پرویز خٹک کی غلیظ زبان کا نوٹس لے‘

پیپلز پارٹی کے ترجمان سینیٹر مولابخش چانڈیو نے الیکشن کمیشن سے عمران خان اور پرویز خٹک کی غلیظ زبان کے استعمال کا نوٹس لینے اور کارروائی کرنے کا مطالبہ کردیا ہے۔

میڈیا سے گفتگو میں مولا بخش چانڈیو نے کہا ہے کہ پی ٹی آئی قیادت کی بدزبانی نے سیاست کو گدلا کردیا ہے ،عمران خان اور پرویز خٹک جو زبان استعمال کررہے ہیں ،اس سے ان کی تربیت کا پتا چلتا ہے۔

انہوں نے مزید کہا کہ پرویزخٹک نے5سال میں کوئی کام کیا ہوتا تووہ گنواتے،گالیاں نہ دیتے۔