فرمان الہی
نماز کے اوقات
پاکستان مسلم لیگ ن کے صدراور سابق وزیر اعلیٰ پنجاب شہباز شریف کا کہنا ہے کہ 25جولائی کو ووٹ کی طاقت سے نواز شریف اور مریم کو اڈیالہ جیل سے باہر لانا ہے۔
سرگودھا میں جلسے سے خطاب کرتے ہوئے شہباز شریف نے کہا کہ نواز شریف 13 جولائی کو بیٹی کے ساتھ بیمار اہلیہ کو چھوڑ کر لندن سے پاکستان پہنچے، انہیں بیمار والدہ سے ملاقات کی بھی اجازت نہیں دی گئی اور دونوں باپ بیٹی کو جیل کی سلاخوں کے پیچھے ڈال دیا گیا۔
انہوں نے مزیدکہا کہ اس شخص کو گرفتار کیا گیا جس نے ایٹمی دھماکے کرکے پاکستان کو عظیم قوت بنایااورپورے ملک میں موٹرویز کے جال بچھائے۔
عمران خان پر تنقید کرتے ہوئے شہباز شریف نےکہا کہ جھوٹے خان، الزام خان اور بہتان خان روز ایک بات کرتا ہے اوریوٹرن لیتا ہے، جتنے پاکستان میں یو ٹرن کے نشان ہیں وہاں عمران خان کی تصویر لگائی جائے جبکہ عمران نے پشاور میٹرو کا بیڑا غرق کردیا، پشاور میٹرو کا ٹھیکہ بلیک لسٹ کمپنی کو دیا گیااور پورا پشاور کھنڈر بن گیاتو کیا عوام پشاور کی طرح پنجاب کو برباد ہوتادیکھ سکتے ہیں؟
