مریم نواز کا 24 گھنٹے میں جیل سے دوسرا بیان

22 جولائی ، 2018

اڈیالہ جیل میں قید سابق وزیر اعظم نواز شریف کی صاحبزادی مریم نواز نے 24 گھنٹوں کے دوران جیل سے دوسرا بیان جاری کیا ہے۔

مریم نواز کے ٹوئٹر ہینڈل سے جاری ہونے والے بیان میں آج ووٹ کو عزت دو کے پارٹی ترانے کا بند شیئر کیا گیا ہے۔

گزشتہ روز مریم نواز کے اسی ہینڈل سے ترقی پسند شاعرفیض احمد فیض کا بند شیئرکیا گیا تھا جس میں انہوں نے کہا کہ جس دھج سے کوئی مقتل میں گیا، وہ شان سلامت رہتی ہے۔ یہ جان تو آنی جانی ہے، اس جاں کی تو کوئی بات نہیں۔

اڈیالہ جیل میں قید مریم نواز کا پہلا بیان سامنے آنے پر پی ٹی آئی کےچیئر مین عمران خان سمیت کئی افراد کی جانب سے سخت ناپسندیدگی کا اظہار کیا گیا تھا۔

دوسری جانب چیف جسٹس ثاقب نثار اور نیب عدالت کواس بات کا نوٹس لینے کے لیے بھی کہا گیا تھا کہ نگران حکومت نے کس آئین و قانون کی بنیاد پر قیدیوں کو نایاب سہولتیں دینا شروع کر دی ہیں ۔

اس کے علاوہ عمران خان نے یہ سوال بھی کیا تھا کہ جیل میں سہولت کس قانون کے تحت فراہم کی گئی ہے؟ جیل میں انہیں یہ سہولت فراہم کرنے کا کس نے حکم دیا ہے؟

اسیری کے بعد مریم نواز کا سوشل میڈیا پر مسلم لیگ (ن) کے کارکنوں سے یہ دوسرا رابطہ ہے۔

تازہ ترین