• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز شریف وکٹ کے دونوں جانب کھیل رہے ہیں ، شیخ رشید

آج کا اخبار
اہم خبریں
16 اگست ، 2018
اسلام آباد(نمائندہ جنگ) عوامی مسلم لیگ کے سربراہ شیخ رشیدنے کہا کہ شہباز شریف وکٹ کے دونوں جانب کھیل رہے ہیں ،اگر وہ خود الیکشن کمپئین کرتے تو نتائج مختلف ہوتے۔ اْنہوں نے ان خیالات کاا ظہاربدھ کوپارلیمنٹ کے باہر میڈیا سے گفتگو کرتے ہوئے کیا ۔ اْنہوں نے کہا کہ آج اپوزیشن اتحادکا آخری دن ہے پھر مسلم لیگ ن اورپیپلز پارٹی کا خدا حافظ ہو گا،پیپلز پارٹی اور ن لیگ کبھی ایک ساتھ نہیں چل سکتے،عمران خان نے حلف نہیں لیا اور ابھی سے مسلم لیگ والے احتجاج کر رہے ہیں، 126دن کادھرناآسان کام نہیں ابھی لکشمی چوک تک چیخیں جائیں گی تھوڑاانتظارکرلیں ،شہباز شریف کا ہلکا پھلکا احتجاج ہمیں منظور ہے وہ ایسا کریں گے تو جمہوریت کا حسن ہے۔ شیخ رشید نے کہاکہ یہ بڑی امتحان والی حکومت ہے، پہلے بھی کہہ چکا ہوں آج ایک بار پھر کہتا ہوں اپوزیشن اکٹھی نہیں چلے گی ،سارا میڈیا اور اینکر کہتے تھے نوازشریف جیل گیا تو ڈبوں سے شیر کا ووٹ نکلے گا مگر میں کہتاتھاکہ لوگ بھول جائیں گے اور کوئی ووٹ نہیں دے گا۔
تازہ ترین