آپ آف لائن ہیں
جنگ ای پیپر
بدھ 15؍ربیع الاوّل 1441ھ 13؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

غزل: رازِ الفت کو عیاں، پل میں یہ کر دیتی ہے

کوثر نقوی

رازِ الفت کو عیاں، پل میں یہ کر دیتی ہے

آنکھ، ہونٹوں سے بھی پہلے، یہ خبر دیتی ہے

شدتِ کرب میں، آجاتی ہے اشکوں سے کمی

دل کو راحت مرے، یہ دیدۂ تر دیتی ہے

گُل یہ کی جائے، تو مطلب ہے کہ سورج اُبھرا

شمع بجھ کر بھی، اُجالوں کی خبر دیتی ہے

تابِ نظّارہ نہ ہو گر، تو نہ رکھ دید کا شوق

ہے کوئی ذات، جو آدابِ نظر دیتی ہے

کارواں سے جو بچھڑ جاتے ہیں، اُٹھ اُٹھ کے اُنہیں

سمتِ منزل کا پتہ، گردِ سفر دیتی ہے

سطحِ گویائی پہ، اخلاص ہے لازم کوثرؔ!

یہ وہ خوشبو ہے، جو لفظوں کو اثر دیتی ہے

قرطاسِ ادب سے مزید
غزلیں سے مزید