• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیر پور ، پولیس کا سرچ آپریشن ،زخمی ڈاکو اور 25 جرائم پیشہ افراد گرفتار

آج کا اخبار
سندھ بھر سے
27 اگست ، 2018
خیرپور(بیورورپورٹ ) ببرلو عبدالرحمان انڑ اور کوٹڈیجی کے علاقوں میں پولیس کا ڈاکوؤں کے خلاف سرچ آپریشن، ایک زخمی ڈاکو سمیت 25 سے زائد جرائم پیشہ افراد گرفتار، ملزمان سنگین مقدمات میں مطلوب تھے۔تفصیلات کے مطابق خیرپور کی بھاری پولیس فورس نے ببرلو عبدالرحمان انڑ اور کوٹڈیجی کے علاقوں میں ہنگامی بنیادوں پر سرچ آپریشن کر کے ایک زخمی ڈاکو مرتضیٰ عرف راجہ عالمانی سمیت 25 سے زائد جرائم پیشہ افراد کو گرفتار کرلیا گرفتار کئے جانے والے دیگر ملزمان میں شوکت علی ،محمد نواز ،علی در،سراج ،شاہد علی ،پیرل ،عرفان میتلو ،یاسر کاندھڑو اور دیگر شامل ہیں گرفتار کئے جانے والے ملزمان کے قبضے سے اسلح بر آمد کرلیا گیا جبکہ وہ کئی سنگین مقدمات میں مطلوب تھے ایس ایس پی خیرپور عمر طفیل کے مطابق ضلع میں امن و امان قائم رکھنے کے لئےڈاکو گروہوں کے خلاف ہنگامی بنیادوں پر سرچ آپریشن شروع کردیا گیا ہے جو بغیر وقفے کے جاری رہے گا سرچ آپریشن دریائے سندھ کے بائیں کنارے کے جنگلات کے علاوہ شہری علاقوں میں بھی جاری رکھا جائے گا۔ انہوں نے کہا کہ پولیس عوام کی جان و مال کی محافظ ہے ہم محافظ بن کر عوام کی حفاظت کریں گے اور جرائم پیشہ گروہوں کو عبرتناک انجام تک پہنچا کر دم لیں گے۔
تازہ ترین