• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محکمہ چلانے کیلئے برتن بیچنا نہیں بزنس بڑھانافوکس ہے ،شیخ رشید

آج کا اخبار
اہم خبریں
02 ستمبر ، 2018
لاہور( این این آئی)وفاقی وزیرریلویز شیخ رشید احمد نے کہا ہے کہ محکمے کو چلانے کیلئے اپنے برتن نہیں بیچیں گے ،بزنس بڑھانے پر فوکس ہے،ایک دیانتدار آدمی محکمے کا رخ بدل سکتا ہے اور 100 بے ایمان مل کر بھی کچھ نہیں کرسکتے ۔ان خیالات کا اظہار انہوں نے ہیڈ کوارٹرز میں اجلاس کی صدارت کرتے ہوئے کیا ۔ اجلاس میں شریک افسران کی جانب سے مختلف امور بارے بریفنگ بھی دی گئی ۔شیخ رشید نے کہا کہ میرا فوکس بزنس بڑھانا اور مارکیٹنگ ہے۔ ریلوے چلانے کے لیے اپنے برتن نہیں بیچیں گے ، زیادہ سے زیادہ بزنس لائیں ۔انہوں نے کہا کہ سسٹم میں ایک آپریشنل لوکوموٹیو بھی فارغ نہ کھڑا ہو۔ فریٹ کے شعبے کو مزید آگے لے کر جانا ہے تاکہ آمدنی بڑھائی جا سکے۔
تازہ ترین