• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی خواتین باسکٹ بال ٹیم کے ٹرائلز،32پلیئرز کا انتخاب

آج کا اخبار
اسپورٹس
03 ستمبر ، 2018
کراچی (اسٹاف رپورٹر) قومی ویمن باسکٹ بال چیمپئن شپ کے لئے کراچی ٹیم کے 3 روزہ ٹرائلز آرام باغ کورٹ کراچی میں ختم ہوگئے ۔ ٹرائلز میں کراچی کے 6 اضلاع کی 85 کھلاڑیوں نے حصہ لیا ،3روزہ ٹرائلز سلیکشن کمیٹی نے کئے ۔ ٹرائلز میں منتخب 32 کھلاڑیوں کے فائنل ٹرائلز 6 ستمبر کو منعقد کئے جائیں گے ۔ کراچی باسکٹ بال ایسوسی ایشن کے صدر غلام محمد خان نے قومی ویمن چیمپئن شپ کے لئے منعقدہ کراچی ٹیم کے ٹرائلز میں 85کھلاڑیوں کی ریکارڈ شرکت کو ویمن اسپورٹس کے لئے خوشگوار تبدیلی قرار دیتے ہوئے کہا کہ یہ اس بات کا ثبوت ہے کہ کراچی میں باسکٹ بال کھیل کس انداز میں مقبولیت حاصل کررہا ہے ۔ٹرائلز میں منتخب کھلاڑیوں میں پلوشہ قریشی ، رجا صفدر ،میرا حسن ،ذہرہ بندوق والا ،ماہ رخ تائی ،اش بالا عمر ،حرینہ سجاد ،عائشہ اجلال ،شانزے حسین ،انسہ حمید ،حناء معین ،کیمرون ٹرنر ،روسیٹا ٹرنر ،آسیہ سید ،عندلیپ ذہرہ ،ناذیہ حسن ،لائبہ تبریز ،حریم بن فیصل ،امینہ رضا ،طوبیٰ جاوید ،مہم ندیم ،حمنہ حمید ،منزہ سجاد ،سمیہ خان ،عائشہ ،مریم شبیر ،محرین ،عائشہ جاوید ،اقراء جاوید ،حوریہ اور ماہین خان شامل ہیں۔
تازہ ترین