-
فرمان الہی
-
نماز کے اوقات
- جمعہ 17؍شوال المکرم 1445ھ26؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
صدر مملکت ڈاکٹر عارف علوی نے پروٹوکول کے خلاف احتجاج کرنے والے شہری کے خلاف دائر ہونے والے مقدمے کو مضحکہ خیر قرار دے دیا۔
گزشتہ رات صدر مملکت ڈاکٹر عارف علوی کا پروٹوکول توڑنے پر ایک شہری کے خلاف شارع فیصل تھانے میں مقدمہ درج کرلیا گیا ہے۔
پولیس کے مطابق صدر مملکت عارف علوی کے قافلے کو گزارنے کے لئے گزشتہ رات 9 بجے شارع فیصل پر کار ساز کے قریب ٹریفک بند کی گئی تھی اس دوران نامعلوم شخص روکی گئی ٹریفک میں اپنی گاڑی کھڑی کر کے سب سے آگے نکل آیا اور ٹریفک روکنے والے پولیس اہلکاروں سے الجھ پڑا تھا۔
صدر مملکت ڈاکٹر عارف علوی بھی اب اس معاملے پر سامنے آگئےاوراپنی ٹوئٹ میں کہا کہ پولیس کی جانب سے پروٹوکول پر احتجاج کرنے والے شہری کے خلاف مقدمہ مضحکہ خیز ہے اور جب عوام کو مشکلات ہوں گی تو ایسا ہی رد عمل کا مظاہرہ کریں گے۔
یاد رہے کہ صدر مملکت ڈاکٹر عارف علوی نے پہلے ہی پروٹوکول نہ لینے کا اعلان کیا تھا لیکن صدر مملکت کا حلف اٹھانے کے بعد پہلی بار کراچی آمد کے موقع پر ان کے پروٹوکول کو شدید تنقید کا نشانہ بنایا گیا تھا جس پر انہوں نے برہمی کا اظہار کیا تھا۔
انہوں نے اپنی ٹوئٹ میں کہا تھا کہ یہ درست ہے کہ کراچی ایئرپورٹ پر ان کے ہمراہ کئی گاڑیاں تھیں حالانکہ میں نے حکام سے کہا تھا کہ مجھے عوام کے سامنے شرمندہ نہ کیاجائے، میرے ساتھ سیکورٹی تناظر کی حد تک ہی گاڑیاں رکھی جائیں، ایک یا دو گاڑیاں آگے اور اتنی ہی پیچھے ہونی چاہئیں لیکن ایسا نہیں ہوسکااور ہمیں اس سلسلے میں سخت اقدام اٹھانا پڑیں گے۔
