• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2024یورو فٹ بال چیمپئن شپ کی میزبانی کا تاج جرمنی کے سر پر سج گیا

آج کا اخبار
یورپ سے
30 ستمبر ، 2018
نیون (اے پی پی) جرمنی کو 2024ءمیں شیڈول یورو فٹ بال چیمپئن شپ کی میزبانی مل گئی، جرمنی نے ترکی کو ہرا کر میزبانی کا تاج اپنے سر سجا لیا اور جرمنی دیوار برلن گرنے کے بعد پہلی مرتبہ میگا چیمپئن شپ کی میزبانی کرے گا، ویسٹ جرمنی نے 1988ءمیں یورو چیمپئن شپ کی میزبانی کی تھی۔ میگا ایونٹ جون اور جولائی میں منعقد ہو گا جس میں دنیائے فٹ بال کی 24 ٹاپ ٹیمیں ٹائٹل کے حصول کیلئے ایکشن میں دکھائی دیں گی، 32 روزہ ایونٹ میں ٹیموں کے درمیان مجموعی طور پر 51 میچز کھیلے جائیں گے، برلن میگا ٹورنامنٹ فائنل کا میزبان ہو گا۔ جمعہ کو نیون، سوئٹزرلینڈ میں یوئیفا ایگزیکٹو کمیٹی کے اجلاس میں یورو 2024ءچیمپئن شپ کی میزبانی کیلئے ووٹنگ ہوئی جس میں میزبانی کے امیدوار ممالک جرمنی اور ترکی نے پریزنٹیشنز پیش کیں تاہم جرمنی نے ترکی کو ہرا کر یورو چیمپئن شپ کی میزبانی حاصل کی۔
تازہ ترین