• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملائیشیا کے سابق وزیر اعظم نجیب رزاق کی اہلیہ گرفتار

تازہ ترین
بین الاقوامی خبریں
04 اکتوبر ، 2018


ملائیشیا کے اینٹی کرپشن کمیشن نے بدعنوانی کے الزامات پر سابق وزیر اعظم نجیب رزاق کی اہلیہ روسما منصور کو بھی منی لانڈرنگ کیس میں گرفتار کر لیا ہے۔

غیر ملکی خبر رساں ایجنسی کے مطابق، روسما منصور کو بدھ کو ملائیشیا کے اینٹی کرپشن کمیشن کے پتراجيا واقع ہیڈکوارٹر میں اسٹیٹ ڈیولپمنٹ فنڈ- 1 ایم ڈی بی میں بدعنوانی کے سلسلہ میں 5 گھنٹے پوچھ گچھ کے بعد گرفتار کیا گیا، تاہم ابھی تک ان کے خلاف الزامات طے نہیں کئے گئے ہیں۔

کمیشن کے بیان کے مطابق’’کمیشن نے محترمہ روسما منصور کو منی لانڈرنگ کی تحقیقات کے سلسلے میں گرفتار کیا ہے اور اٹارنی جنرل کے دفتر سے اس سلسلے میں اجازت لینے کے بعد ہی یہ کارروائی کی گئی ہے‘‘۔

نجیب رزاق پر اسٹیٹ ڈیولپمنٹ فنڈ- 1 ایم ڈی بی اور ایس آرسی انٹرنیشنل میں بدعنوانی کے سلسلہ میں 30 الزامات کا سامنا کر رہے ہیں۔ ان کے ذاتی اکاؤنٹ میں کروڑوں امریکی ڈالر کی رقم پائی گئی تھی۔

واضح رہے کہ ملائیشیا کے سابق وزیر اعظم نجیب رزاق کی اہلیہ روسما منصور کوآج عدالت کے سامنے پیش کیا جائے گا۔

تازہ ترین