اسلام آباد( جنگ نیوز) بحریہ ٹائون میں مسلسل تیسرے سال انٹرنیشنل ویمن اسکواش چیمپیئن شِپ کا انعقاد کیا جا رہا ہے جس میں انڈونیشیا ، ملائشیا، مصر ، ہانگ کانگ اورسائوتھ افریقا کی ٹیمیں شرکت کررہی ہیں۔ گذشتہ برس ٹورنامنٹ پاکستانی ٹاپ سیڈ ماریہ طور نے جیتا تھا جو اس بار اپنے اعزاز کا دفاع کریں گی۔اس سلسلے میں گزشتہ روز سفاری کلب بحریہ ٹائون میں پریس کانفرنس کا انعقاد کیا گیا جس میں کموڈور (ر) الیاس وائس چیف ایگزیکٹو بحریہ ٹائون ، عامر نواز سیکر یٹری پاکستان اسکواش فیڈریشن اور مسز سطوت بابر ڈائریکٹر پراجیکٹس نے شرکت کی۔ کموڈور (ر) الیاس نے چیئرمین بحریہ ٹائون ملک ریاض حُسین کے خواتین کے لئے یکساں ترقی کے مواقع فراہم کرنے کےوژن اور پاکستان کا مثبت چہرہ اُجاگر کرنے کی پالیسی کی بھی وضاحت کرتے ہوئے کہا کہ بحریہ ٹائون مستقبل میں بھی ایسے مقابلوں کا انعقاد کرتا رہے گا۔ سیکریٹری اسکواش فیڈریشن عامر نواز نے چیمپئن شِپ کے انعقاد کو فیڈریشن کی سرپرستی میں لیا اور بتایا کہ یہ چیمپئن شِپ باقاعدہ پاکستان اسکواش فیڈریشن سے رجسٹرڈ اور منظور شدہ ہے۔
فرمان الہی
نماز کے اوقات
