عدالت نے شراب برآمدگی کیس میں سابق صوبائی وزیر اطلاعات شرجیل کی استثنیٰ کی درخواست مسترد کرتے ہوئے انہیں 23 اکتوبر کو عدالت میں پیش کرنے کا حکم دے دیا ۔
پیپلزپارٹی کے رہنما شرجیل میمن کے وکیل نے سیکورٹی خدشات پرحاضری سےاستثنی کی درخواست دی تھی۔
عدالت نے ریمارکس دیئے کہ سیکورٹی فراہم کرنا سندھ حکومت کا کام ہے۔
شرجیل میمن کے وکیل نعیم قریشی نے موقف اپنایا کہ میرے موکل کو سکیورٹی خدشات ہیں۔جس پر عدالت نے کورٹ پولیس کو حکم دیا کہ ملزم کو سیکورٹی فراہم کی جائے۔