• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اشتہاریوں سمیت 52سماج دشمن پکڑے گئے

میرا شہر
اسلام آباد
19 اکتوبر ، 2018
راولپنڈی( سٹاف رپورٹر ) راولپنڈی پولیس نے منشیات فروشوں کے خلاف کارروائی کرتے ہوئے29ملزموں کو گرفتار کر کے ان کے قبضہ سے 3کلو 730 گرام چرس،540 گرام ہیروئن، 136 لٹر کھلی شراب اور 6بوتل شراب برآمد کر لی۔ائیر پورٹ پولیس نے ڈکیتی کی گھات لگائے بیٹھے 2 ملزموں کو گرفتار کر کے ان سے وارداتوں میں استعمال ہونے والا اسلحہ بر آمد کر لیا۔ پولیس نے سیف اللہ اور علی شیر کو گرفتار کرکے انکے قبضہ سے دو پستول برآمدکر لئے۔ پولیس نے ناجائز اسلحہ رکھنے والوں اور غیر قانونی گیس ریفلنگ کرنے والوں کے خلاف کارروائی کرتے ہوئے بھی 6 ملزموں کو گرفتار کرکے ان کے قبضہ سے 2 پستول، ریوالوراور آلات گیس ریفلنگ قبضہ میں لے لئے۔ پولیس نے 9 اشتہاری مجرموں اور 5 عدالتی مفروروں کو گرفتار کر لیا۔ تھانہ سٹی پولیس نے اشتہاری مجرم محمد امتیاز ،تھانہ بنی پولیس نے قیصر عباس ،تھانہ نیو ٹاؤن پولیس نے زوہیب،تھانہ کینٹ پولیس نے محمد انور ،تھانہ نصیر آباد پولیس نے فضل علی ، تھانہ ائیر پورٹ پولیس نے روبینہ ،تھانہ صدر واہ پولیس نے عمران حیدر ، تھانہ جاتلی پولیس نے نور اور اچھو جبکہ تھانہ کلر سیداں پولیس نے عدالتی مفرورسکندر ،تھانہ سٹی پولیس نے عدالتی مفروروں تنویر مسیح اور محمد رقیب، تھانہ رتہ امرال پولیس نے عدالتی مفرورتنو بی بی اورتھانہ صادق آباد پولیس نے عدالتی مفرور شان محمد کو گرفتار کر لیا ۔
تازہ ترین