• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر،سرکاری ملازم کے اکائونٹ سے تنخواہ کی رقم لندن میں نکالے جانے کا انکشاف، غریب اسٹینوگرافر پریشان

آج کا اخبار
اہم خبریں
26 اکتوبر ، 2018
سکھر (بیورو رپورٹ) محکمہ اطلاعات سکھر کے اسٹینوگرافر ایاز علی قاضی کے بینک اکاؤنٹ سے اس کی تنخواہ کے 11ہزار روپے غائب ہوگئے جبکہ یہ رقم لندن میں نکالے جانے کا انکشاف ہوا ہے، اکائونٹ میں تنخواہ نہ ہونےکے نتیجے میں غریب اسٹینو گرافر پریشان ہوگیا، مذکورہ ملازم نجی بینک میں واقع اپنے اکاؤنٹ سے رقم نکلوانے پہنچا تو اس کے اکاؤنٹ میں رقم نہیں تھی، جس پر اس نے بینک اسٹیٹمنٹ نکلوایا تو انکشاف ہوا کہ مذکورہ اکاؤنٹ سے رقم پاکستان نہیں بلکہ لندن میں نکالی گئی ہے، اس انکشاف پر خود سرکاری ملازم بھی پریشان ہوگیا ہے۔ ایاز علی کا کہنا ہے کہ لندن تو بہت دور میرا تو کوئی رشتہ دار کراچی میں بھی نہیں ہے، میں اپنے اکاؤنٹ سے ہر ماہ تنخواہ کی رقم خود نکلواتا ہوں، اب یہ کیسے ممکن ہے کہ میرے اکاؤنٹ سے لندن سے رقم نکالی گئی ہے، متاثرہ شخص نے متعلقہ حکام سے مطالبہ کیا ہے کہ اس معاملے کا نوٹس لیں رقم کی واپسی یقینی بنائی جائے۔
تازہ ترین