• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حمزہ اورسلمان شہباز کے اثاثوں اورٹیکس کی تفصیلات نیب میں جمع کروادیں

آج کا اخبار
اہم خبریں
27 اکتوبر ، 2018
لاہور(مانیٹرنگ سیل) ایف بی آر نے قومی اسمبلی میں قائد حزب اختلاف شہبازشریف کے بعد ان کے بیٹوں حمزہ شہباز اور سلمان شہباز کے اثاثوں اور ٹیکس کی تفصیلات بھی نیب میں جمع کروا دیں۔ قومی احتساب بیورو (نیب) سابق وزیراعلیٰ پنجاب شہبازشریف کے بعد ان کے بیٹوں حمزہ شہباز اور سلمان شہباز کے خلاف آمدن سے زائد اثاثہ جات بنانے کے حوالے سے تحقیقات کر رہا ہے، اس سلسلے میں نیب نے فیڈرل بورڈ آف ریونیو سے دونوں افراد کے کاروبار اور ادائیگیوں سے متعلق 20 سالہ تفصیلات طلب کی تھیں، ایف بی آر نے نیب کی ہدایات کے مطابق دونوں افراد کا ریکارڈ بھجوادیا ہے۔ واضح رہے کہ اس سے قبل ایف بی آر قومی اسمبلی میں اپوزیشن لیڈر شہباز شریف کی تفصیلات بھی جمع کروا چکا ہے۔
تازہ ترین