اپنے اوپر کی جانے والی تنقید پر کوہلی بول اٹھے

09 نومبر ، 2018

بھارتی کرکٹ ٹیم کے کپتان ویرات کوہلی بھارت چھوڑنے کا مشورہ دینے کے بعدسوشل میڈیا پر اپنے اوپر ہونے والی مسلسل تنقید پر آخر بول اٹھے۔

کوہلی کے اس ٹوئٹ کو ردّ عمل کہیں یا وضاحت، خیر انہوں نے کہا کہ ’ سوشل میڈیا پر کی جانے والی تنقید سے مجھے کوئی فرق نہیں پڑتا،میں آزادیٔ اظہار رائے پر یقین رکھتا ہوں، اور ویسے بھی میرا بیان مخصوص بھارتیوں کے لئے تھا۔‘

انہوں نے مزید کہا کہ ’آپ میری بات دل پر نہ لیں ، ان چیزوں کو ہلکا لیں اور دیوالی پر مزے کریں ۔‘

واضح رہے ویرات کوہلی نے کچھ روز قبل ٹوئٹر پر ویڈیو پیغام میں مداحوں کو بھارت چھوڑنے کا مشورہ دیتے ہوئے کہا تھا کہ’جو لوگ انگلینڈ اور آسٹریلیا کے بیٹسمینوں کو ترجیح دیتے ہیں اُنہیں بھارت میں نہیں رہنا چاہئے۔‘‘

اس پیغام کے بعد مداحوں کی جانب سے بھارتی کپتان کو سوشل میڈیا پر خوب تنقید کا نشانہ بنایا گیا ۔کسی نے لکھا،کوہلی انگریزوں کا کھیل کرکٹ چھوڑ کربھارت کا قومی کھیل ہاکی اور کبڈی کھیلنا کیوں نہیں شروع کر دیتے؟۔

تازہ ترین