• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشین میں آتشزدگی سے کروڑوں روپے نقصان ہوا،جمعیت ن

میرا شہر
کوئٹہ
11 نومبر ، 2018
کوئٹہ(پ ر)جمعیت نظریاتی کے سیکرٹری اطلاعات حاجی سید عبدالستار شاہ چشتی ضلع پشین کے حاجی حیات اللہ خان کاکڑ نے پشین میں کپڑوں کی 22 دکانوں میں آتشزدگی کے باعث کروڑوں کے نقصانات پر افسوس کا اظہار کرتے ہوئے کہا ہے کہ مارکیٹ میں آگ لگنے سے مقامی تاجروں کی زندگی کی جمع پونجی تباہ ہوگئی پشین میں آگ بجھانے کا بندوبست نہ ہونے کی وجہ سے بڑی تباہی ہوئی اور شہر میں فائر بریگیڈ کا عملہ ہوتا تو بہت کم نقصان ہوتا انہوں نے کہا کہ جمعیت نظریاتی متاثرہ تاجروں سے ہمدردی کا اظہار کرتے ہوئے ان کے نقصانات کے ازالہ کیلئے ہر جدوجہد میں ان کے ساتھ ہے انہوں نے مطالبہ کیا کہ واقعہ کی تحقیقات کرکے تاجروں کے نقصانات کا ازالہ کیا جائے اور پشین میں فائر بریگیڈ اسٹیشن کا قیام بھی عمل میں لایا جائے۔
تازہ ترین