• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور میں دودھ سے بھرا ٹرک،چکوال میں بس الٹنے سے11افراد جاں بحق، 2 خواتین شامل

آج کا اخبار
اہم خبریں
14 نومبر ، 2018
لاہور،چوہنگ ،مانگا منڈی ،چکوال(نمائندہ جنگ،صباح نیوز)لاہور میں دودھ سے بھرا ٹرک اور چکوال میں بس الٹنے سے 11 افراد جاں بحق ہوگئے جن میں دو خواتین بھی شامل ہیں،ٹرک کا حادثہ ٹائی راڈ کھلنے کی وجہ سے پیش آیا جبکہ بس موڑ کاٹتے ہوئے بریک فیل ہونے سے الٹی، تفصیلات کے مطابق لاہور رائیونڈ روڈ پر دودھ فروشوں کا ٹرک الٹنے سے 8افراد جاں بحق جبکہ چکوال میانوالی روڈ پر مسافر بس الٹنے سے 2 خواتین سمیت 3 مسافر چل بسے۔رائیونڈ پولیس کے مطابق ڈالا دودھ لے کر لاہور جا رہا تھا کہ رائیونڈ روڈ پر ٹائی راڈ کھل جانے کی وجہ سے الٹ گیا ۔ حادثے میں 8افراد ہلاک ہوگئے اور 20 زخمی ہوگئے۔ جاں بحق ہونے میں صحراب خاں ولدمحمد حنیف، حمید خاں ولدسمرت خاں ، صدیق ولدرنگر خاں، ابراہیم ولدعیدو خاں ، عابد ولد عارف خاں، ناصر خان، محمد سرور اور نصیر شامل ہیں۔
تازہ ترین