وزیراعلیٰ کا چینی قونصلیٹ پر حملے کا نوٹس، قونصل جنرل سے رابطہ

23 نومبر ، 2018

وزیراعلیٰ سندھ سید مراد علی شاہ نے چینی قونصلیٹ کے پاس فائرنگ کا نوٹس لے لیا انہوں نے چینی قونصل جنرل سے ٹیلیفون پر بھی رابطہ کیا ہے۔

مراد علی شاہ نے چینی قونصل جنرل سے ٹیلیفون پر رابطے میں کہا کہ آپ اطمینان رکھیں سب ٹھیک ہوجائے گا۔

وزیراعلیٰ نے ان سے کہا کہ میں نے ڈی جی رینجرز اور آئی جی پولیس کو بھی ہدایت دی ہے، وہ حملہ آوروں کے خلاف بھرپور آپریشن کر رہے ہیں۔

دوسری جانب وزیراعلی سندھ نے واقعے پر ایڈیشنل آئی جی پولیس کو فون کیا ، انہوں نے اس موقع پر پولیس کی مزید فورس کو بھیجنے کی ہدایت جاری کی ۔

مراد علی شاہ نے ایڈیشنل آئی جی کو ہدایت کی کہ مجھے پل پل کی خبر دیتے رہیں اور آپ خود وہاں کی نگرانی کریں۔

وزیراعلیٰ سندھ نے مزید ہدایت جاری کرتے ہوئے کہا کہ چائنیز قونصلیٹ میں موجود عملے کی حفاظت کو یقینی بنایا جائے۔

تازہ ترین

وزیرِ اعلیٰ خیبر پختون خوا نے بعض صوبائی ارکان کی شکایت بانیٔ پی ٹی آئی سے کر دی