فرمان الہی
نماز کے اوقات
کراچی (ٹی وی رپورٹ) سینئر تجزیہ کاروں نے کہا ہے کہ آصف زرداری پر بنے کیسوں سے بلاول بھٹو زرداری کیلئے بھی سیاسی مشکلات پیدا ہوں گی،کرتارپور کوریڈور کا افتتاح کرتے ہوئے عمران خان آج اپنی حکومت کے سود ن کی ڈپلومیسی کی معراج پر تھے، عمران خان کو پانچ سال کا مینڈیٹ ملا ہے انہیں تھوڑا وقت دیں، پولیس کو غیرسیاسی اور آزاد بنانے میں تحریک انصاف مکمل ناکام رہی ہے، سرائیکی صوبے کی بات صرف ا لیکشن کا نعرہ ثابت ہوا، وفاق کی مضبوطی کیلئے پی ٹی آئی کے دعوے پر کوئی پیشرفت نہیں ہوئی،عمران خان کو بدھ کی تقریر میں کلبھوشن یادیو کیوں نہیں یاد آیا،کرتارپور کوریڈور پاکستان کے امیج کیلئے ہماری سول و ملٹری قیادت کا بہت بڑا قدم ہے،بھارت میں جس کی بھی حکومت ہو یا جو بھی رویہ ہو پاکستان کو امن کے راستہ پر رہنا چاہئے۔بابر ستار، امتیاز عالم، ارشاد بھٹی، سلیم صافی، حسن نثار اور حفیظ اللہ نیازی نے ان خیالات کا اظہار جیو نیوز کے پروگرام ”رپورٹ کارڈ“ میں میزبان ابصا کومل سے گفتگو کرتے ہوئے کیا۔ میزبان کے پہلے سوال مبینہ جعلی اکاؤنٹس کی تحقیقات، جے آئی ٹی نے بلال بھٹو کو سوالنامہ بھیج دیا، بطور چیئرمین بلاول بھٹو کو پہلی بار کسی انکوائری کا سامنا ہے، کیا آصف زرداری پر بنے کیسز بلاول بھٹو کیلئے سیاسی مشکلات پیدا کرسکتے ہیں؟کا جواب دیتے ہوئے ۔
