• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پسرور،نجی ٹی وی کا رپورٹرمبینہ طور پر پستول صاف کرتے گولی چلنے سے جاں بحق

آج کا اخبار
ملک بھر سے
03 دسمبر ، 2018
  پسرور، چونڈہ ،سیالکوٹ(،نامہ نگاران،نمائندہ جنگ) پسرور کے گاؤں چوبارہ میں نجی ٹی وی کا رپورٹرمبینہ طور پراپنے ہی ہاتھوں پستول کی گولی چلنے سے جاں بحق ہوگیا۔35 سالہ متوفی قیصرمحمود سلہریا ولد غلام محمود4 بچوں کاباپ تھا۔ اہل خانہ نے کہا ہے کہ قیصر گھر میں پستول صاف کررہا تھا کہ اچانک گولی چل گئی جو اس کے سر میں لگ کردوسری جانب نکل گئی۔ گولی کی آوازسن کر اس کی بیوی اور بچے کمرے میں گئے تو وہ خون میں لت پت پڑا تھا۔قیصر سلہریا کو فوری طور پرعلا مہ اقبال سول ہسپتال سیا لکو ٹ لے جایا گیا جہاں ڈاکٹرز نے اس کی موت کی تصدیق کر دی ۔نمائندہ سیالکوٹ کے مطابق بعض محلہ داروں نے شبہ ظاہر کیا ہے کہ قیصر نےشہ رگ پرگولی مار کر خودکشی کی ہے۔ اہل خانہ نے اس کی موت کے حوالے سے کسی بھی قسم کی قانونی کارروائی کرنے سے انکار کیا ہے جس کی وجہ سے پولیس نے نعش کا پوسٹمارٹم نہیں کروایا اورنہ ہی ایف آئی آر کا اندراج ہوا۔    
تازہ ترین