• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغان کرکٹ لیگ، نوشہرہ فرینڈز اور ہری پور یونائیٹڈ کی کامیابی

میرا شہر
پشاور
08 دسمبر ، 2018
پشاور( خصوصی نامہ نگار) افغان کمشنر یٹ کے زیراہتمام پشاورمیں جاری افغان کرکٹ لیگ میں نوشہرہ فرینڈز نے صوابی ٹائیگرزکوسات وکٹوں جبکہ ہری پور یونائیٹڈ نے دیر گلیڈی ایٹر کو 106 رنز سے شکست دیدی ۔ پہلے میچ میں ہری پور یونائیٹڈ نے بیٹنگ کرتے ہوئے پانچ وکٹوں کے نقصان پر 184 رنز بنائے ، عبدالرازاق نے 82 رنز، عصمت نے35 اور رحیم نے 27 رنز بنائے، دیر کی جانب سے حبیب نے تین اور روح اﷲ نے ایک کھلاڑی کو آئوٹ کیا ۔ جواب میں دیر گلیڈی ایٹر کی ٹیم 79 رنز پرآئوٹ ہوگئی ، عبدالرازق نے بہترین بائولنگ کرتے ہوئے نو رنز دے کر پانچ کھلاڑیوں کو آئوٹ ، دیر کی جانب سے دین محمد 31 رنز کے ساتھ نمایاں سکورر رہے ، ہرپور کی جانب سے سلیمان نے تین کھلاڑیوں کو آئوٹ کیا، عبدالرازاق کو مین آف دی میچ قرار دیا گیا۔دوسرا میچ صوابی ٹائیگرز اور نوشہرہ فرینڈز کے درمیاان کھیلاگیا جس میں صوابی ٹائیگرز نے پہلے بیٹنگ کرتے ہوئے مقررہ اوورز میں 110 رنزبنائے سرااج خان 30 ، دینو24 اور خان 21 رنز کے ساتھ نمایاں سکور رہے ، نوشہرہ فرینڈز کی طرف سے واحد نے تین، جعفر نے دو کھلاڑیوں کو آئوٹ کیا ۔ جواب میں نوشہرہ فرینڈ ز نے مطلوبہ ہدف تین وکٹوں کے نقصان پر حاصل کیا۔ فیصل خان نے35 ، فیض نے 34 رنز بنائے ، صوابی ٹائیگرز کی جانب سے خان اور آصف نے ایک ایک کھلاڑی کو آئوٹ کیا ۔
تازہ ترین