• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ سمیت 30 اضلاع میں انسداد پولیو مہم آج سے شروع ہوگی

میرا شہر
کوئٹہ
10 دسمبر ، 2018
کوئٹہ (اسٹاف رپورٹر) بلوچستان کے 30 اضلاع میں تین روزہ جبکہ کوئٹہ ، پشین اور قلعہ عبداللہ میں 5 روزہ پولیو مہم آج سے شروع ہوگی ، اس سلسلے میں تمام تیاریاں مکمل کر لی گئی ہیں ، مہم کے دوران 25 لاکھ سے زائد بچوں کو پولیو سے بچاو کے قطرے پلانے کا ہدف مقرر کیا گیا ہے ، مہم کے دوران 10 ہزار 356 ٹیمیں حصہ لیں گی ، جبکہ اس سلسلے میں 8829 موبائل ٹیمیں ، 951 فکسڈ سائٹ اور 576 ٹرانزٹ ٹیمیں قائم کی گئی ہیں ، پولیو مہم کی سکیورٹی کے لئے تمام تر انتظامات مکمل کر لیے گئے ہیں اس سلسلے میں بلوچستان لیویز پولیس اور فرنٹیئر کور بلوچستان کے اہلکار تعینات ہونگے، 2018 میں پاکستان میں اب تک پولیو کے 8 کیسز رپورٹ ہوئے ، جن میں سے تین بلوچستان کے علاقے دکی سے رپورٹ ہوئے ۔
تازہ ترین