کراچی میں سرچ اور تجاوزات آپریشن، 16 افراد زیر حراست

13 دسمبر ، 2018

کراچی کے علاقے ملیر میں بن قاسم اور میمن گوٹھ میں پولیس کی جانب سے سرچ آپریشن کیا گیا، میمن گوٹھ سے16 مشتبہ افراد کو حراست میں لیا گیا، جبکہ کے ایم سی نے تجاوزات کے خلاف خالد بن ولید روڈ پر آپریشن کیا۔

پولیس اور رینجرز کی جانب سے بن قاسم اورمیمن گوٹھ میں سرچ آپریشن کیا گیا۔

بن قاسم میں واقع بگٹی گوٹھ میں سرچ آپریشن جاری ہے جبکہ میمن گوٹھ غفور بستی میں سرچ آپریشن مکمل کرلیا گیا ہے۔

اس آپریشن کے دوران16 سے زائد مشتبہ افراد کو حراست میں لیا گیا ہے جن میں سے 8 ملزمان کو گرفتار کر کے چرس، ہیروئن، پستول، 4موبائل فونز، ایک ترازو اور ایک موٹرسائیکل برآمد کرلی گئی جبکہ دیگر افراد کے شناختی کوائف کی تصدیق ہونے پر انہیں رہا کر دیا گیا۔

ادھر طارق روڈ اور خالد بن ولید روڈ پر کے ایم سی کے محکمہ انسداد تجاوزات نے کارروائی کی جس کے دوران متعدد دکانوں کے بڑھے ہوئے حصے کو کے ایم سی نے گرا دیا۔

طارق روڈ اور خالد بن ولید روڈ پر کے ایم سی کے محکمہ انسداد تجاوزات نے کارروائی کی، اس دوران متعدد بڑھی ہوئی دکانوں اور اضافی جگہ گھیرنے والے شورومز کے فٹ پاتھ اور جنگلے گرا دیے گئے۔

کے ایم سی کے عملے کے ہمراہ علاقہ پولیس بھی موجود تھی تاکہ آپریشن کے دوران کسی قسم کی مزاحمت ہوتو اس کا سامنا کیا جاسکے۔

تازہ ترین