• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مری روڈ ،لیاقت روڈ اور دیگر شاہراہوں پر بدترین ٹریفک جام

میرا شہر
اسلام آباد
28 دسمبر ، 2018
راولپنڈی (سٹاف رپورٹر) مری روڈ ،لیاقت روڈاورمتصل سڑکوں پر جمعرات کو بد ترین ٹریفک جام رہی۔ سابق وزیراعظم بے نظیربھٹوکی جائے شہادت پربرسی کی تقاریب کے باعث ٹریفک پولیس کے اہل کاروں نے جمعرات کی صبح سے لیاقت باغ چوک اور تاج کمپنی چوک کے سامنے رکاوٹیں کھڑی کرکے لیاقت باغ کے سامنے بے نظیربھٹوکی جائے شہادت کی جانب جانیوالے راستوں کوبندکردیااوراس جانب آنیوالی ٹریفک کومتبادل راستوں کی جانب موڑدیاجس کی وجہ سے سارادن مری روڈ،مریڑچوک ،راجہ بازار، لیاقت روڈ،اورمتصل سڑکوں پرٹریفک کارش رہااور ٹریفک کی روانی متاثررہی اور سٹی ٹریفک پولیس کاعملہ اس دوران ٹریفک کورواں دواں رکھنے میں ناکام رہا۔ٹریفک جام ہونے کی وجہ سے لوگوں کومشکلات کاسامناکرناپڑا۔
تازہ ترین