• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گوادر میں 30کمپنیوں نے 47کروڑ ڈالر سے زیادہ کی سرمایہ کاری کر دی‘ قائمقام چینی سفیر

آج کا اخبار
ملک بھر سے
01 جنوری ، 2019
اسلام آباد (حنیف خالد) چینی سفارتخانے کے ڈپٹی چیف مشن یائو لی جیان نےاختتام سال سی پیک پراجیکٹس کی پراگرس جاری کی ہے۔ گوادر پورٹ کے بارے میں انہوں نے بتایا کہ چائنا اوورسیز پورٹس ہولڈنگ کمپنی COPHC‘ گوادر پورٹ اتھارٹی (GPA)اور سنگاپور پورٹ اتھارٹی نے 2013ء میں گوادر فری زون کی ترقی اور آپریشن کے تمام اختیارات سی او پی ایچ سی کے حوالے کئے۔ اب تک سی او پی ایچ سی نے گوادر پورٹ کی تزئین و آرائش پر 25کروڑ امریکی ڈالرز خرچ کئے ہیں۔ پانچ نئے جدید ترین اسٹیٹ آف دی آرٹ (Quay) کرینیں نصب کی ہیں۔ ایک لاکھ مربع میٹر کا سٹوریج یارڈ بنایا ہے۔ سمندری پانی کو میٹھا کرنے کیلئے جدید ترین ڈی سیلی نیشن Desalination پلانٹ نصب کیا ہے جو یومیہ 2لاکھ بیس ہزار گیلن سمندری پانی کو میٹھے پانی میں تبدیل کرنے کی صلاحیت کا حامل ہے۔
تازہ ترین