میری ٹائم سیکیورٹی چیلنجز سے نمٹنے کیلئے ہمہ وقت تیار ہے، نیول چیف

سربراہ پاک بحریہ ایڈمرل ظفر محمود عباسی نے کہا ہے کہ پاکستان میری ٹائم سیکیورٹی چیلنجز سے نمٹنے کے لیے ہمہ وقت تیار ہے، ہم پاک بحریہ کو چاروں جہتوں میں ایک نا قابلِ تسخیر فورس بنانے کے لیے کام کر رہے ہیں۔

نیول چیف ایڈمرل ظفر محمود عباسی نے پاک فضائیہ کے وار کالج کا دورہ کیا۔

ترجمان پاک بحریہ کے مطابق نیول چیف نے ایئر وار کورس کے شرکاء سے پاکستان نیوی کے مستقبل کے منصوبوں کے حوالے سےخطاب کیا۔

نیول چیف کا کہنا تھا کہ پاکستان کے پاس بیش بہا بحری وسائل موجود ہیں اور انہیں استعمال کرکے ملکی معیشت کو مضبوط کیا جا سکتا ہے۔

نیول چیف نے وار کالج کی فیکلٹی اور وہاں زیر تربیت غیر ملکی افسران سے بھی ملاقات کی۔