فرمان الہی
نماز کے اوقات
ماہِ رمضان میں طرح طرح کے پکوانوں سے دسترخوان سج جاتے ہیں اور ہر کوئی اپنی خواہشات کے مطابق افطاری کا اہتمام کرتا ہے۔
خواتین مختلف ریسیپیز سے مختلف اشیاء تیار کرتی ہیں تاکہ گھر والوں کو نت نئے ذائقے کھانے کو ملیں، یہی وجہ ہے کہ آج ہم بھی آپ کے لیے راج کچوری بنانے کی ترکیب لے کر آئے ہیں۔
سوجی 1/2 کپ، میدہ 1/2 کپ، ہلدی 1/2 چائے کا چمچ، دہی 2 سے 3 کھانے کے چمچ، نمک حسبِ ذائقہ، پانی گوندھنے کے لیے، تیل فرائی کرنے کے لیے، پاپڑی گارنشنگ کے لیے۔
ابلے چنے 1 کپ، لال مرچ پاؤڈر 1 چائے کا چمچ، چاٹ مسالہ 1/2 چائے کا چمچ، نمک حسبِ ضرورت، کٹی ہوئی پیاز 1/2 کپ۔
کھجور 1 پاؤ، املی کا پلپ 4 سے 5 کھانے کے چمچ، نمک حسبِ ضرورت، فوڈ کلر 1 چٹکی۔
ایک باؤل میں سوجی، میدہ، ہلدی، دہی اور نمک کو پانی کے ساتھ گوندھ لیں، اب اس کے پیڑے بنائیں اور تیل لگا کر پوری کی طرح بیل لیں، لکڑی کے چمچ پر چپکا کر گرم تیل میں چمچ سمیت رکھ دیں، جب تھوڑا پک جائے تو چمچ کو نکال لیں اور پوری فرائی کریں۔
ابلے چنے میں لال مرچ، چاٹ مسالہ، پیاز اور نمک ڈال کر مکس کر لیں، فلنگ کے لیے پوری میں چھولے، پھلکیاں اور پاپڑی ڈال کر ان کے اوپر دہی ڈال لیں۔
کھجور و املی کی چٹنی بنانے کے لیے ایک بلینڈر میں کھجور، املی کا پلپ، نمک، پانی اور فوڈ کلر ڈال کر بلینڈ کر لیں۔
پھلکیوں کو پانی میں بھگو کر ان کا پانی نکال لیں، پھر ان میں دہی شامل کر کے مکس کر لیں۔
راج کچوری کو رائتے، کھجور و املی کی چٹنی سے گارنش کریں، بادام کے پتوں پر رکھ کر سرو کریں۔
