• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمیں مقامات مقدسہ کی زیارت کرنی چاہئے، چوہدری گلفام

آج کا اخبار
یورپ سے
13 جنوری ، 2019
برمنگھم( ابرارمغل) ایشین ایڈرلی اینڈ کمیونٹی ویلفیئر ایسوسی ایشن کے چیئرمین چوہدری محمد گلفام فریضہ عمرہ کی ادائیگی کے بعد واپس برطانیہ پہنچ گئے ہیں۔ سمال ہیلتھ کمیونٹی سینٹر میں پی پی پی برطانیہ کے مرکزی چوہدری منظور حسین ، حاجی عبدالرحمٰن، چوہدری ہارون احمد، چوہدری عدیل احمد، سائیں عبدالرزاق سمیت مختلف شخصیات نے ان سے ملاقات کی اور عمرہ کی ادائیگی پر مبارکباد پیش کی۔ چوہدری گلفام نے جنگ کو بتایا کہ مقامات مقدسہ کی زیارت اورعمرہ کی ادائیگی سے جہاں سکون قلب حاصل ہوا ہے وہی مختلف ممالک کے فرزندان اسلام کے ساتھ گزارے گئے ایام امت مسلمہ میں اتحاد واتفاق بھی پیدا کرسکتے ہیں۔ انہوں نے کہا کہ مسلمان کو دنیاوی کاموں کیساتھ ساتھ مقامات مقدسہ کی زیارت اور روضہ رسول میں حاضری کا شرف حاصل کرنا چاہئے۔
تازہ ترین